Gwybodaeth » Cyflogaeth a Hyfforddiant » Bod mewn Cyflogaeth » Gwahaniaethu yn y Gweithle
- Mae yna gyfreithiau sy'n golygu na chaniateir gwahaniaethu yn eich erbyn ym meysydd recriwtio, dyrchafu a'r ffordd rydych chi'n cael eich trin yn y gwaith ar sail eich:
- Rhyw
- Statws priodasol
- Anabledd
- Tarddiad ethnig
- Hil
- Lliw
- Crefydd neu gred
- Tueddfryd rhywiol
- Oedran
- Gall gwahaniaethu fod yn uniongyrchol neu'n anuniongyrchol.
- Mae gwahaniaethu uniongyrchol yn digwydd pan mae rhywun yn cael ei drin yn llai ffafriol yn y gwaith oherwydd ei ryw, statws priodasol, hil, lliw, crefydd neu gred, oedran, tueddfryd rhywiol neu anabledd. Er enghraifft, os na fydd gweithiwr Asiaidd yn cael ei ddewis i gael dyrchafiad oherwydd ei fod yn ddu, mae hyn yn wahaniaethu uniongyrchol.
- Mae gwahaniaethu anuniongyrchol yn digwydd pan na fedr gweithiwr penodol fodloni gofyniad nad oes modd ei gyfiawnhau o safbwynt y gwaith ac, o ganlyniad, mae dan anfantais. Er enghraifft, os yw'r cyflogwr yn rhoi hyfforddiant i weithwyr amser llawn yn unig, byddai hynny'n gwahaniaethu'n anuniongyrchol yn erbyn menywod, gan fod y rhan fwyaf o weithwyr rhan-amser yn fenywod.
- Mae aflonyddu hefyd yn ffurf ar wahaniaethu. Gall aflonyddu gynnwys sarhau ar lafar, sylwadau awgrymog a chyffwrdd corfforol digroeso. Efallai fod gwahaniaethu yn eich erbyn hefyd os ydych chi'n cael eich trin yn annheg o ganlyniad i geisio gweithredu yn erbyn achos o wahaniaethu.
